КАФОЛАТЛИ ХИЗМАТ КЎРСАТИШ

КАФОЛАТЛИ ХИЗМАТ КЎРСАТИШ

NG SERVICE” МЧЖ сервис маркази мижозларга ACER, ASUS, CANON, EPSON, FUJITSU, HP Consumer, НР Inc. ва LENOVO ишлаб чиқарувчилари техникасини кафолатли таъмирлаш ва кафолат муддатидан сўнг таъмирлаш бўйича тўлиқ мажмуи хизматларни тақдим этади.

Мижозлар эътиборини кафолат муддатида Сервис маркази фақат техниканинг иш қобилиятини тиклаш бўйича ишлар бажарилишини амалга оширишига қаратамиз. Ўзбекистон Республикасига кафолатли таъмирлаш учун керакли эҳтиёт қисмларни етказиб бериш бевосита Ишлаб чиқарувчилар ёки уларнинг ваколатли Ҳамкорлари томонидан амалга оширилади. Ўзбекистон Республикасига эҳтиёт қисмларни юклаб жўнатиш ва етказиб бериш муддатлари ҳам бевосита Ишлаб чиқарувчилар ёки уларнинг ваколатли Ҳамкорлари томонидан белгиланади. Шу туфайли, кафолатли хизмат кўрсатиш ва таъмирлашнинг умумий муддати узоқ вақт талаб қилиши мумкин ҳамда олдиндан эълон қилиниши ёки мижоз билан олдиндан келишиб олиниши мумкин эмас. Одатда, Сервис марказида таъмирлаш-тиклаш ишлари Ишлаб чиқарувчи томонидан омборимизга керакли эҳтиёт қисмлари олинган кундан эътиборан энг кўпи билан 5 иш кунини ташкил этади. Ўзбекистон Республикасига эҳтиёт қисмларини етказиб бериш муддати, божхона ҳужжатларини расмийлаштириш ҳисобга олинган ҳолда, 2 ҳафтадан 2 ойгача (камдан-кам ҳолатларда) муддатни ташкил этади. Бунда, мижоз Сервис марказимизга техника келтириладиган вақт учун кафолат муддатини узайтиришга ҳақлидир. Бунинг учун биз томонимиздан тайёр техникани олиш вақтида берилган Нуқсонлар далолатномасини ва бажарилган ишларни Қабул қилиш-топшириш далолатномасини сақлаб қўйиш етарли бўлади, ушбу далолатномаларда таъмирлаш-тиклаш ишлари бошланган ва тугаган сана, шунингдек бошқа фойдали маълумотлар акс эттирилади.

Сервис марказимизда барча кафолатли таъмирлаш ишлари техникани Ишлаб чиқарувчиларнинг талабларига ва кафолат шартларига тўлиқ мувофиқликда амалга оширилади. Биз ўз ишимизда фақат бевосита Ишлаб чиқарувчилардан олинган асл эҳтиёт қисмларидан фойдаланамиз.

Кафолатли хизмат кўрсатиш кафолат муддати давомида техниканинг бепул таъмирланишини назарда тутади. Таъмирлашни амалга ошириш имконияти бўлмаган ҳолатда, техника янги ускунага алмаштирилади. Айирбошлаш Сотувчи ёки Дистрибьютор томонидан амалга оширилади. Сотувчи/ Дистрибьюторда ускунани алмаштириш учун Сервис маркази томонидан Ишлаб чиқарувчи билан келишилган ва унинг топшириғи билан расмийлаштирилган Техник хулоса далолатномаси берилади. Биргина Нуқсонлар далолатномаси асосида, шунингдек деталларни етказиб бериш муддати узайтирилган ҳолатда (масалан, Ишлаб чиқарувчи омборида деталлар вақтинча мавжуд бўлмаган ҳолатда) техникани айирбошлаш амалга оширилмайди.

Мижозларга шуни маълум қиламизки, бепул кафолатли таъмирлаш Сервис маркази томонидан маҳсулот завод нуқсони сабабли носоз деб эътироф этилган ҳолатдагина амалга оширилади.

 Диққат!

Агар Сиз кафолат доирасида хизмат кўрсатишдан фойдалансангиз, бу орқали Сервис марказига ва Ишлаб чиқарувчиларга Сизнинг кафолатли хизмат кўрсатишдан фойдаланганлигингиз тўғрисидаги ахборотни ҳамда Сизнинг алоқа боғлаш маълумотларингизни, шу жумладан исм-фамилия, телефон рақамлари, почта манзили ва электрон почта манзилини сақлаш, ишлаш ва улардан фойдаланиш учун рухсат берасиз. Ишлаб чиқарувчи ушбу маълумотлардан тааллуқли кафолат бўйича хизмат кўрсатишни амалга ошириш учун фойдаланиши мумкин. Сервис марказимиз ёки Ишлаб чиқарувчи Сиздан кафолатли хизмат кўрсатишдан қониққанлигингиз ёки қониқмаганлигингизни сўраши, Сизни маҳсулотлар қайтарилиб олиниши ёки хавфсизлик техникаси билан боғлиқ айрим масалалар ҳақида хабардор қилиши мумкин. Ушбу мақсадда Сиз ўзингиз ҳақидаги ахборотнинг Ишлаб чиқарувчилар офислари фаолият юритаётган исталган мамлакатга узатилишига ва уларнинг топшириғига кўра фаолият юритаётган Тарафларга ахборот тақдим этилишига рухсат берасиз.

Кафолат шартлари

Техникани харид қилишда унинг Сизнинг иштирокингизда текширилишини ва Кафолат талони тўлдирилишини талаб қилинг. Кафолат талони тақдим этилмаган ёки у нотўғри тўлдирилган ҳолатда, техника сифати юзасидан шикоятлар қабул қилинмайди ва кафолатли таъмирлаш амалга оширилмайди.

Ускунани кафолатли таъмирлаш учун қабул қилиш, одатда, завод ўрам идишисиз ва қўшимча қисмларисиз амалга оширилади. Бироқ, кам ҳолларда, Сервис маркази етишмайдиган деталлар тақдим этилишини талаб қилиши мумкин.

Агар кафолат даври мобайнида техникада унинг тузилиши мукаммал эмаслиги, ишлаб чиқариш малакаси етишмовчилиги ёки материаллар сифатсизлиги сабабли нуқсон аниқланса, қуйидаги шартларга риоя этилган ҳолатда, ушбу нуқсонли ускунанинг (ёки унинг қисми ёхуд қисмлари) бепул кафолатли таъмирланишини кафолатлаймиз:

  1. Кафолат талони тўғри (тузатишларсиз!) тўлдирилган, маҳсулотнинг серия рақами, сотилган сана, кафолат даври, ташкилот номи қайд этилган ва аниқ муҳр босилган ҳолатдагина кафолат ҳақиқий бўлади;
  2. Бепул таъмирлаш Ишлаб чиқарувчи томонидан белгиланган кафолат даври давомидагина амалга оширилади;
  3. Маҳсулотнинг серия рақами ва модели Кафолат талонида қайд этилган серия рақами ва моделига мувофиқ бўлиши керак;
  4. NG SERVICE” МЧЖ қуйидаги ҳолатларда кафолат мажбуриятларига эга бўлмайди ва техникага бепул сервис хизмат кўрсатилишини амалга оширмайди:
  • агар фойдаланиш қоидалари ва шартлари бузилган бўлса;
  • агар ускунада малакасиз таъмирлашга уринишлар ёки маҳсулотни Ишлаб чиқарувчи томонидан ваколат берилмаган сервис марказида таъмирлашга уриниш излари бўлса;
  • агар маҳсулотнинг тузилиши ёки схемалари рухсатсиз ўзгартирилиши туфайли юзага келган нуқсон аниқланса;
  • агар блоклар/деталларда махсус кафолат ёрлиқлари шикастланганлиги аниқланса (уларнинг мавжуд бўлиши зарур ҳолларда).
  1. Кафолат қуйидаги носозликларга жорий этилмайди:
  • маҳсулотдан фойдаланиш, ўрнатиш шартлари бузилиши натижасида ёки маҳсулотни транспортировка қилишда юзага келган ташқи ва ички механик шикастланишлар (контактлар эзилиши, ёриқлар, зарба излари, процессор кристаллидаги синиқ парчалар ва ҳ.к.) мавжудлиги;
  • маҳсулот ичига бегона нарсалар, моддалар, суюқликлар, ҳашаротлар тушиши туфайли юзага келган шикастланишлар;
  • табиий офатлар, ёнғинлар, маиший омиллар туфайли юзага келган шикастланишлар;
  • электр таъминот, телекоммуникация, кабель тармоқлари кўрсаткичлари ва бошқа шунга ўхшаш ташқи омиллар бўйича Давлат стандартлари талабларига номувофиқлиги туфайли юзага келган шикастланишлар.

 

Кафолатли хизмат кўрсатилишидан фойдаланишда харидорнинг вазифалари

Кафолатли хизмат кўрсатилишига рухсат олиш учун Сиз қуйидаги ҳаракатларни бажаришингиз керак:

  • Сервис маркази томонидан белгиланган хизмат кўрсатилиши учун мурожаат қилишга доир тартиботларни бажариш;
  • маҳсулотда сақланаётган барча дастурлар ва маълумотларнинг захира нусхалари яратиш;
  • Сервис марказига барча тизим калитлари ва паролларини тақдим этиш;
  • Сервис марказига хизмат кўрсатилишини амалга ошириш учун Сизнинг ускунангиздан етарли даражада, эркин ва хавфсиз тарзда фойдаланиш имкониятини тақдим этиш;
  • ускунадан барча маълумотларни, шу жумладан махфий, эгалик ҳуқуқлари билан ҳимояланган ва шахсий маълумотларни олиб ташлаш ёхуд бундай маълумотларни олиб ташлаш имконияти бўлмаган ҳолатда, уларни учинчи шахслар томонидан фойдаланилишига йўл қўйилмайдиган ёки улар тегишли қонунга мувофиқ шахсий маълумотлар ҳисобланмайдиган тарзда ўзгартириш. Сервис маркази қайтарилган ёки кафолатли хизмат кўрсатиш учун тақдим этилган ускуна хотирасида сақланаётган ҳар қандай маълумотлар, шу жумладан махфий, эгалик ҳуқуқлари билан ҳимояланган ва шахсий маълумотлар йўқотилганлиги ёки ошкор қилинганлиги учун жавобгар бўлмайди;
  • кафолатли хизмат кўрсатишга тегишли бўлмаган барча таркибий қисмлар, деталлар, қўшимча аппарат воситалари, ўзгартирилган элементлар ва бириктирилган қурилмаларни олиб ташлаш;
  • ушбу маҳсулот ёки деталларга нисбатан қонун билан белгиланган улар алмаштирилишига тўсқинлик қилиши мумкин бўлган ҳеч қандай чекланишлар йўқлигини тасдиқлаш;
  • агар Сиз маҳсулот ёки деталлар эгаси бўлмасангиз, маҳсулот эгасидан Сервис маркази томонидан кафолатли хизмат кўрсатилиши учун рухсат олиш.

 Сервис маркази носозликларни бартараф этиш учун амалга оширадиган ҳаракатлар

Сервис марказига мурожаат қилинганида, Сиз носозликларни аниқлаш ва бартараф этиш юзасидан белгиланган тартиботлар ва йўриқномаларга риоя этишингиз керак.

Сервис маркази носозликлар сабабини телефон, электрон почта орқали ёки масофадан туриб ёрдам бериш воситасида аниқлашга ва уни бартараф этишга уриниб кўради. Сиздан муайян дастурий янгиланишларни юклаб олиш ва ўрнатиш сўралиши мумкин.

Айрим носозликларни фойдаланувчи томонидан мустақил равишда ўрнатиладиган таркибий қисмлар ёрдамида бартараф этиш мумкин; бундай таркибий қисмлар “фойдаланувчи кучлари билан алмаштириладиган узеллар” деб аталади.

Агар носозликни телефон бўйича консультациялар, дастурий воситаларни янгилаш орқали ёки фойдаланувчи томонидан мустақил равишда алмаштириладиган узелларни ўрнатиш орқали бартараф этиш имкони бўлмаса, Сервис маркази носоз маҳсулот учун кафолатлар турига мувофиқ хизмат кўрсатилишини ташкиллаштиради.

Агар Сервис маркази бирон-бир сабабларга кўра маҳсулотингизни таъмирлай олмаса, у Ишлаб чиқарувчи билан олдиндан келишувга кўра, Сотувчи ёки Дистрибьюторда янги маҳсулот олиш учун Техник хулоса (ёки ҳолат) далолатномасини тузади, худди шундай ёки функционал жиҳатдан эквивалент маҳсулотга алмаштиради.

Агар Сервис маркази маҳсулотингизни таъмирлай олмаса ёки алмаштириш имконияти бўлмаса, Сизнинг алоҳида ҳуқуқий ҳимоя воситангиз – маҳсулотни харид қилинган жойга қайтаришдан иборат.

 Диққат!

  • Кафолат даврининг бошланиши Фойдаланувчига техника фойдаланишга киритилган пайтдан эмас, балки техника сотилган пайтдан эътиборан белгиланади!;
  • Дастурий таъминот, шу жумладан олдиндан ўрнатилган дастурий таъминот юзасидан кафолатли хизмат кўрсатилмайди;
  • Ишлаб чиқарувчи томонидан белгиланган чекланган фойдаланиш муддатига эга сарфланадиган материаллар ва деталларга кафолат жорий қилинмайди;
  • Сервис (профилактика) ишларининг бажарилиши кафолат мажбуриятларига кирмайди.

 

Кафолат жорий қилинмайдиган энг кенг тарқалган ҳолатлар рўйхати:

т/р Намоён бўлиши Хусусиятли жой Сабаби
1. Барча турдаги маҳсулотлар учун хос бўлган ҳолатлар:
1 Маҳсулот устига (маҳсулот ичига) суюқлик тўкилиб кетиши Маҳсулот ташқарисига ёки ичига суюқлик тўкилиб кетиши излари Маҳсулотдан фойдаланиш қоидаларининг бузилиши
2 Маҳсулот пломбалари, геометрияси ёки корпуси юзасининг дастлабки ҳолати бузилиши (корпусдаги буюмлар учун) Корпус деталлари бириктирилган жой (синиқлар, ёриқлар), маҳкамлагичнинг ейилиб кетган шлицлари Махсус асбоб-ускунасиз очиш (ёки очишга уриниш). Рухсатсиз очиш
3 Бошқарув органлари ва иш режимларини белгилаш бузилишлари Улаб-узгич ва созлаш ростлагичлари тугмалари, қурилмаларнинг иш режимларини белгилайдиган шикастланган джамперлар ва микро-алмашлаб улагичлар Механик таъсир (зарбалар, тушириб юборишлар) ва бошқа эътиборсизлик билан фойдаланиш
4 Серия рақамини аниқ идентификациялаш имконияти йўқлиги. Рақамлар, фирма стикерлари ўчирилиб кетиши, шикастланиши Завод лейблари ўрнатилган жойлар, фирма стикерлари ўрнатилган жойлар Механик, термик таъсир ва ҳ.к.

Рухсатсиз очиш

5 Маҳсулот корпусидаги синиқ жойлар, ёриқлар (корпусдаги буюмлар учун) Маҳсулот корпусининг бурчаклари, ғилофлар орқа қисми, корпуснинг қуйи қисми, таглик, нов, қопқоқ, найчани маҳкамлаш жойи. Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
6 Маҳсулотдаги электр-радио буюмлари, шунингдек ток узатувчи йўлакчаларнинг механик шикастланишлари Маҳсулотдан фойдаланиш қоидаларининг бузилиши.

Маҳсулотдан эътиборсизлик билан фойдаланиш. Тегишли равишда транспортировка қилмаслик, транспортировка қилиш вақтида ишончли ҳимоялайдиган ўрам идишининг йўқлиги

7 Электр-радио буюмлари, шунингдек ток узатувчи йўлакчаларнинг бевосита кўздан кечириш орқали аниқланадиган электр шикастланишлари Ўзаро боғлиқ бўлган қисмларнинг нотўғри ўрнатилиши, маҳсулотдан штатдан ташқари (ҳужжатлаштирилмаган) режимларда фойдаланиш
8 Штатдаги электр-радио буюмларининг ўз жойида йўқлиги, штатдан ташқари ўрнатилган электр-радио буюмларининг мавжудлиги. Пайвандлаш излари (олдин таъмирлашда бўлмаган маҳсулотлар учун) Маҳсулотдан фойдаланиш қоидаларининг бузилиши.

Мустақил равишда таъмирлашга уриниш

9 Маҳсулот ичида бегона нарсалар (скрепкалар, кнопкалар ва ҳ.к.) (вентиляция тирқишига ёки маҳсулот очилмаган ҳолда фойдаланувчи кириш каналларига эга маҳсулотлар учун) Маҳсулотдан фойдаланиш қоидаларининг бузилиши
10 Бириктирувчи кабеллар ажратгичларининг деформацияси, бириктирувчи кабелларнинг деформацияси ёки уларнинг бевосита кўздан кечириш орқали аниқланадиган шикастланиши Бириктирувчи кабеллар ва ажратгичлар Қўпол механик таъсир, ўрнатиш вақтида эътиборсизлик билан бириктириш, нуқсонлар
2. Алоҳидаги турдаги ускуналар учун хос бўлган ҳолатлар:
НОУТБУКЛАР
1 Маҳсулот устига (маҳсулот ичига) суюқлик тўкилиб кетиши Маҳсулот ташқарисига ёки ичига суюқлик тўкилиб кетиши излари Маҳсулотдан фойдаланиш қоидаларининг бузилиши
2 Маҳсулот корпусининг синиқ жойлари Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
3 Маҳсулот геометрияси ёки корпуси юзасининг дастлабки ҳолати бузилиши Махсус асбоб-ускунасиз очиш (ёки очишга уриниш). Рухсатсиз очиш
МОНИТОРЛАР
1 Матрица синган, юзасидаги ёриқлар ёки тирналишлар Маҳсулот юзаси, маҳсулотнинг ички қисми Механик таъсир (зарбалар, тушириб юборишлар ва ҳ.к.)
2 Тонировкаланган қопламанинг бузилиши Экран <Агрессив> суюқликнинг ташқи таъсири (экран яқинида аэрозол баллонларнинг пуркалиши).

Монитор экранини тозалаш учун мумкин бўлмаган техник суюқликлардан фойдаланиш

ПРИНТЕРЛАР
1 Тишли камар узилиши, шестернянинг кўзга кўринадиган узилиши (асосан, оқимли ва матрицали принтерлар учун) Эркин силжийдиган босмадан чиқарадиган каллак, принтер корпусидан чиқиб турадиган пластмасса ёки металл қисмлар, пластик парчалар Мустақил равишда таъмирлашга уриниш, тиқилиб қолган қоғозни эътиборсизлик билан олиб ташлаш, қоғоз узатиш механизмига бегона нарсалар тушиши
2 Картриджларда тешилиш излари Принтер картриджи Картриджни мустақил равишда сиёҳ билан тўлдириш
3 Барабан юзасидаги чизиқлар, қоғоздаги қорамтир чизиқлар (лазерли ва ёруғлик диодли принтерлар учун) Барабандаги кўндаланг чизиқлар Ташишда ёки сиёҳ билан тўлдиришда барабаннинг ёруғлик тушиб куйдириб қўйилиши, мувофиқ бўлмаган сифатли қоғоздан фойдаланиш, олинган нусхалар сони техник тавсифларга тўғри келмайди (ресурс ошириб юборилган)
4 Маҳсулот устига (маҳсулот ичига) сиёҳ тўкилиб кетиши.

Сочилган тонер

Маҳсулот ташқарисига ёки ичига суюқлик тўкилиб кетиши излари. Куйинди ҳиди. Узатувчи ёки қабул қилувчи новлардаги механик ҳаракатланадиган деталларда тонер излари. Босмадан чиқаришда қоғознинг кирланиши Картриджни мустақил равишда сиёҳ билан тўлдиришга уриниш.

Маҳсулотдан фойдаланиш қоидаларининг бузилиши

СКАНЕРЛАР
1 Тишли камар узилиши, шестернянинг кўзга кўринадиган узилиши Эркин силжийдиган сканирлайдиган каллак, сканер корпусидан чиқиб турадиган пластмасса ёки металл қисмлар, уларнинг парчалари Механик таъсир (зарбалар ёки тушириб юборишлар ва ҳ.к.) натижасида юзага келади
2 Синган ёки тирналган ойна Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
НУСХА КЎЧИРИШ АППАРАТЛАРИ
1 Очиш ёки пластмассани пайвандлаш излари Картридж Картриджни такроран кўп марта сиёҳ билан тўлдириш ёки уни мустақил равишда таъмирлаш
2 Синган ёки тирналган ойна Механик таъсир (зарбалар, тушириб юборишлар, маҳсулотдан эътиборсизлик билан фойдаланиш ва ҳ.к.)
3 Ишчи барабан юзаси, ундаги чизиқлар ва қоғоздаги қорамтир чизиқлар Барабандаги кўндаланг чизиқлар Ташишда ёки сиёҳ билан тўлдиришда барабаннинг ёруғлик тушиб куйдириб қўйилиши, мувофиқ бўлмаган сифатли қоғоздан фойдаланиш, нусхалар сони техник тавсифларга тўғри келмайди
БОШ ПЛАТАЛАР
1 Маҳсулот юзасидаги тирналишлар, эзилган жойлар, шу жумладан ток узатувчи йўлакчалар шикастланиши Корпусда маҳкамлаш жойлари ва платага радиаторни ўрнатиш жойлари, шунингдек ўзаро боғлиқ қисмларни ўрнатиш жойлари яқинидаги буюм юзаси Компьютерни эътиборсизлик билан йиғиш, монтаж қилишда фойдаланиладиган асбоб-ускуналар билан пала-партиш ишлаш
2 Плата юзасидаги электр-радио буюмлари, шунингдек ток узатувчи йўлакчаларнинг механик шикастланишлари Процессорни совутиш учун радиаторни кулер билан монтаж қилиш жойлари яқинида Штатдан ташқари радиаторни кулер билан ўрнатиш, пала-партиш ҳаракатлар
3 Ўрнатиладиган ажратгичлар ва слотларнинг бевосита кўздан кечириш орқали аниқланадиган механик шикастланишлари Ўрнатиладиган ажратгичлар ва слотларнинг бевосита кўздан кечириш орқали аниқланадиган механик шикастланишлари Қўпол механик таъсир
4 Вентиляторнинг кучли кирланиши Чипсетлардаги вентиляторлар Техник хизмат кўрсатиш ўз вақтида ўтказилмаслиги. Маҳсулотдан ушбу маҳсулот туркуми учун мўлжалланмаган шароитларда фойдаланиш
ПРОЦЕССОРЛАР
1 Кристалл юзасидаги синиқ жойлар, тирналишлар, ёриқлар Процессор кристаллининг юзаси Совутиш қурилмаларининг нотўғри ўрнатилиши, механик таъсир
2 Бир ёки бир неча контакт чиқиш қисмлари йўқлиги Процессорнинг контакт томони Механик таъсир, маҳсулотдан эътиборсизлик билан фойдаланиш
УЗАТМАЛАР
1 <Сурилма қулф> туридаги маҳкамлаш қисмлари жойларидаги кертиклар Маҳсулот корпуси, маҳсулот юзаси Мустақил равишда таъмирлашга уриниш
2 Корпус қисмларининг винтли бирикмалари шлицларида ёки уларнинг ёнида монтаж қилиш асбоб-ускунасининг излари Маҳсулот корпуси, маҳсулот юзаси Мустақил равишда таъмирлашга уриниш
3 Маҳсулот тузилишининг ўзгариши Маҳсулотнинг конструктив қисмлари, маҳсулотдаги турли моделлар қисмларининг бирикмаси Мустақил равишда таъмирлашга уриниш. Онгли равишда қалбакилаштириш
4 Бегона моддалар (суюқликлар, мойлаш моддалари, чанг, кирланиш) изларининг мавжудлиги Маҳсулот корпуси, маҳсулот юзаси Маҳсулотдан тегишли бўлмаган шароитларда фойдаланиш, эътиборсизлик билан фойдаланиш
5 Ички шикастланишлар.

Маҳсулот ичида дискнинг металл қуймаси (болванкаси) қолдиқлари

Маҳсулот узатмаси Маҳсулотнинг ишдан чиқишига олиб келган узатмада СD-диски бузилиши
HDD
1 Контроллер ажратгичлари синиқ жойлари ва ёриқлари, букилган ток узатувчи чиқиш қисмлари Корпуснинг ён томони, бириктириладиган узели Шлейфнинг эҳтиётсизлик билан бириктирилиши-туташтирилиши, бошқа механик таъсир
2 Маҳкамлаш винтлари шлицларида тирналган жойлар, Ишлаб чиқарувчининг ҳимоя ёрлиқлари йўқлиги ва (ёки) уларни елимлаш изларининг йўқлиги, Ишлаб чиқарувчининг ҳимоялаш тасмалари ёки ёрлиқларининг шикастланиши HDD корпуси, контроллерни маҳкамлаш жойларидаги маҳсулот юзаси Рухсатсиз очилиши (герметикликнинг бузилиши) ва (ёки) таркибий қисмларнинг бошқа маҳсулотдан олинган шак-шубҳасиз носоз қисмларга алмаштириб қўйилиши, маҳсулотнинг эътиборсизлик билан монтаж қилиниши ёки транспортировка қилиниши
3 Маҳсулотнинг серия рақамларини ёки моделларини идентификацияловчи ёрлиқлар йўқлиги, шикастланиши ёки уларни елимлаш изларининг йўқлиги HDD корпуси Маҳсулотнинг эътиборсизлик билан монтаж қилиниши ёки онгли равишда қалбакилаштирилиши

 

Кафолатли талонларга мисоллар: